最近港姐終於跳出西貢，出國拍外景喇，地點就係宏偉嘅羅馬競技場，好壯觀呀！
香港人做野講求效率，你以為要搭長途機去意大利？少年，你唔止太年輕，仲未戒奶呀，識去梗係遠赴澳門嗰個羅馬競技場啦，買張金光飛航就到。一班港姐表現興奮，仲去埋漁人碼頭拍攝添！
唔少網友都比咗好多外景地點建議比 TVB，等下年港姐選舉可以參考，例如日本城、東京街、荷里活廣場、米蘭站、比華利山（大埔）、Times Square（銅鑼灣）、名古屋月餅、澳洲牛奶公司、黃金海岸（屯門）、美國冒險樂園…… 七大洲四大洋爭少少就囊括晒，環遊世界，其實唔難，跳起yeah